انمول اردو ادب

گوجرانوالہ شہر جو کہ صوبہ پنجاب کا ایک اہم زرعی اور صنعتی ضلع اور ڈویژن ہونے کی وجہ سے مشہور ہے۔ اس کے علاوہ بھی اس کی دھرتی نے چند ایسے نام پیدا کئے ہیں۔ جن کی مقبولیت اور ہر دلعزیزی کا اندازہ آپ ان کے ناموں سے ہی لگا سکتے ہیں۔
اس ڈویژن کے نامی گرامی شاعر جناب ڈاکٹر علامہ محمد اقبال ہیں۔ جنہیں شاعر مشرق کہا جاتا ہے۔جن کا تعلق گوجرانوالہ ڈویژن کے ضلع سیالکوٹ سے ہے۔
یہاں میں چند عصر حاضر کے نامور لوگوں کے بارے میں کچھ لکھنا چاہ رہا ہوں۔ جنہوں نے حال ہی میں 14 اگست 2010 کو حکومت پاکستان کے صدر تمغہ امتیاز (پرائڈ آف پرفارمنس ( حاصل کیا ہے۔

ان میں سب سے پہلے نمبر پر جناب سہیل احمد کا نام ہے۔ اس کے علاوہ جناب ذوالفقار احمد چیمہ صاحب کا نام ہے۔ اور گوجرانوالہ کی اصلی شان و شوکت والے جناب شاہد پہلوان آٹے والے ہیں۔

سہیل احمد

سہیل احمد کا نام اس دنیا ، لیکن کم از کم اردو لکھنے اور بولنے والے تو ضرور جانتے ہیں۔ سہیل احمد صاحب کی پاکستان ٹیلی ویژن کی جانب سے بے شمار ڈراموں میں اداکاری ، اس کے علاوہ لاہور اور پنجاب کے دوسرے شہروں میں سٹیج ڈراموں میں بے مثال خدمت کی وجہ سے مشہور ہے۔

موصوف آج کل ایک نجی ٹی وی چینل دنیا نیوز ٹی وی کے ایک پروگرام حسب حال میں عزیزی کا کردار ادا کر رہے ہیں۔ جہاں سے انہوں نے اپنے صحافتی کیریر کا بھی آغاز کیا ہے۔ موصوف کی اس پروگرام میں بھی تجزیے اور مخبریاں اور اس کے ساتھ طنزو مزاح نے عوام میں بے حد مقبولیت حاصل کی ہے۔
موصوف کی انہی گراں قدر خدمات کی بدولت انہیں پرائڈ آف پرفارمنس سے نوازا ہے۔

جناب زوالفقار احمد چیمہ آر پی او

زوالفقار احمد چیمہ پنجاب پولیس کی طرف سے گوجرانوالہ ڈویژن میں آر پی او تعینات کئے گئے۔جنہوں نے 2 سال کے قلیل عرصہ میں گوجرانوالہ ڈویژن میں پولیس اہلکاروں کو مومن بنانے کی کوشش کی ، اس سلسلے میں مختلف تھانوں میں عوام اور پولیس اہلکاروں سے رشوت نہ دینے اور نہ لینے کے حلف لئے گئے۔

اس کے علاوہ موصوف نے اپنی تعیناتی کے دوران کے بہت سے اغوا برائے تاوان کے ملزمان کو گرفتار کیا۔ اور پھر انہیں نشان عبرت بنانے کے لئے مبینہ پولیس مقابلوں میں پار کر دیا گیا۔موصوف نے گوجرانوالہ میں دہشت گردی کی علامت بننے والے چند بدمعاشوں کو بھی پولیس کے ہاتھوں قتل کروا کر انہیں اس زمین میں دفن کر دیا۔ جن میں عالمی شہرت یافتہ ننھو گورائیہ اور آصف وڈو قابل زکر ہیں۔ موصوف نے شہر کو خوبصورت بنانے کے لئے جبری طور پر جی ٹی روڈ کے دائیں باتئیں واقع کاروباری لوگوں کو اپنے فرنٹ پہ موجود سرکاری زمین پر پودے اور گھاس لگانے کا حکم بھی صادر فرمایا۔
ان کی تعیناتی کے دوران موصوف کا ایک نجی ٹی وی چینل کے صحافی کے ساتھ بھی ٹھیک ٹھاک ٹھنتی رہی لیکن بعد میں بات صلح صفائی تک پہنچ کر ختم ہو گئی۔
حالیہ ضمنی الیکشن کے بعد موصوف کو حکومت کی طرف سے پرائد آف پرفارمنس مل گیا۔اور انہیں گوجرانوالہ ڈویژن سے ٹرانسفر کر کے آر پی او ویلفئیر پنجاب پولیس تعینات کر دیا گیا ہے۔

شاہد پہلوان آٹے والا:

شاہد پہلوان گوجرانوالہ کا سپوت ، گوجرانوالہ کی روایات کا سپاہی پہلوان ہے اس نے متعدد مقابلوں میں فتح اپنے نام کی ۔ رستم پاکستان اور رستم ہند کے ٹائٹل اپنے نام کیئے اس کے علاوہ موصوف فن پہلوانی کے ترویج کے لئے نہایت اعلیٰ کردار ادا ادا کر رہے ہیں۔ اور کشتیوں کے مقابلوں میں منصفوں کا کام بھی کر چکے ہیں۔ انہیں بھی 14 اگست 2010 کو تمغہ امتیاز کے ساتھ نوازا گیا۔

یوں اس سال گوجرانوالہ نے اپنے تین سپوتوں کی بدولت اپنا سر فخر سے بلند کر لیا ہے۔